Türkiyə hakimiyyəti Rusiya tərəfinə beynəlxalq sularda insidentlərin yolverilməzliyi ilə bağlı xəbərdarlıq edib.
Azpost.info xəbər verir ki, bu barədə “Reuters” məlumat yayıb.
“Rusiya tərəfi Qara dənizdə gərginliyi artırmaq cəhdlərindən çəkinməlidir”, – Türkiyə Prezident Administrasiyasının bəyanatında deyilir.
Bazar günü Rusiya tərəfi bildirib ki, gəmi kapitanının yükü yoxlamaq üçün dayanma tələbinə cavab vermədikdən sonra onun patrul gəmisi Palau bayraqlı “Şükrü Okan” gəmisinə bir neçə avtomatik xəbərdarlıq atəşi açıb. Daha sonra Rusiya Müdafiə Nazirliyi Ukrayna limanına gedən gəminin Rusiya hərbçiləri tərəfindən yoxlanılmasının videosunu yayıb.
Çərşənbə günü “Reuters” agentliyi xəbər verib ki, Rusiyanın Türkiyə sahillərində gəmiyə basqın etməsi hərbi əməliyyatları başqa bir NATO dövlətinin sərhədinə yaxınlaşdırır.
Ötən bazar günü Rusiya Silahlı Qüvvələri vertolyotdan Türkiyənin şimal-qərb sahilindəki limanına təyin olunmuş gəminin göyərtəsinə enib. Bu, Türkiyənin şimal-qərbində sahil zolağından təxminən 60 kilometr aralıda baş verib.
Hadisə beynəlxalq sularda, lakin İstanbul yaxınlığında baş verib. Moskva hadisəni gəmi Ukrayna sahillərinə yola düşməzdən əvvəl “yoxlama” adlandırıb.
Azpost.info
