Microsoft-un təsisçisi Bill Geyts ABŞ Nümayəndələr Palatasının Nəzarət Komitəsinin üzvlərinə maliyyəçi Ceffri Epşteynin cinayətkar fəaliyyətindən xəbərsiz olduğunu və onunla yaxın əlaqəsi olmadığını bildirib.
Azpost.info bildirir ki, bu barədə CNN məlumat verir.
“Mən heç vaxt Epşteynin davamlı cinayətkar fəaliyyətinin şahidi olmamışam. Bu barədə heç bir məlumatım olmayıb. Mən heç vaxt onun adasına, rançosuna və ya Floridadakı evinə getməmişəm”- deyə Geyts vurğulayıb.
O, həmçinin Epşteynlə qarşılıqlı əlaqələrinin məhdud və nadir olduğunu və bu əlaqənin 2014-cü ildə kəsildiyini vurğulayıb. Geyts maliyyəçi ilə 2011-ci ildə görüşdüyünü və əvvəlcə qlobal səhiyyə sahəsindəki layihələri müzakirə etdiyini bildirib.
Microsoft-un təsisçisi həmçinin qeyd edib ki, sonradan Epşteynlə əlaqə saxlamaqda etdiyi səhvi başa düşüb və ədalətin bərqərar olması üçün bütün iş materiallarının dərc olunmasını dəstəklədiyini əlavə edib.
A.Əliyev
