“BMT-nin əvəzinə müharibələri mən dayandırmalı oldum. Halbuki bunu BMT etməli idi”.
AzPost bildirir ki, bu sözləri ABŞ prezidenti Tramp Nyu-Yorkda Baş Assambleyada çıxışı zamanı deyib.
ABŞ lideri BMT-nin fəaliyyətini tənqid edib və qurumu “boşboğazlıqda ittiham edib. Donald Tramp deyib ki, yeddi ayda yeddi müharibəyə son qoyub. “Heç vaxt belə bir şey baş verməyib”.
“Bunu etməkdən şərəf duyuram. Birləşmiş Millətlər Təşkilatının əvəzinə bunları mən etməli oldum. Təəssüf ki, bütün bu hallarda BMT kömək etməyə belə cəhd etmədi”, -deyə Tramp gileylnib.
O qeyd edib ki, bütün bu proseslər ərzində BMT-dən bu sazişlərin bağlanmasına kömək etməklə bağlı bir dəfə də olsun zəng gəlməyib: “Birləşmiş Millətlər Təşkilatının məqsədi nədir? BMT-nin böyük potensialı var. Mən bunu həmişə demişəm. Onun çox nəhəng potensialı var. Amma bu potensialdan istifadəyə yaxın belə deyil. İndiki məqamda onların etdikləri nədir? Çoxlu sərt məktublar yazırlar, sonra da heç nəyi sona çatdırmırlar. Boş sözlər… Boş sözlər isə müharibələri həll etmir. Müharibələri həll edən hərəkətdir“-deyə Tramp qeyd edib.
