BMT-nin Baş katibi Antonio Quterreş Sudandan olan Əmir Mahmud Abdullahı “taxıl sazişi”nin icrası üzrə koordinator təyin edib.
Azpost.info xəbər verir ki, o, ABŞ-dan olan müvəqqəti koordinator Frederik Kennini əvəz edəcək.
Əmir Mahmud Abdullah 30 ildən artıqdır ki, BMT-nin Ümumdünya Ərzaq Proqramında işləyir. Təşkilat hesab edir ki, o, humanitar yardım və idarəetmə sahəsində lazımi təcrübəyə malikdir.
İyulun 22-də İstanbulda Rusiya, Ukrayna, Türkiyə və BMT arasında Ukrayna taxılının Çornomorsk, Odessa və Yujnıdan ixracı üçün dəhlizin yaradılması haqqında saziş imzalanıb. İlk gəmi Odessadan avqustun 1-də yola düşüb.
Azpost.info
