ABŞ və İran arasında əldə edilən razılaşmadan sonra böyük gəmiçilik şirkətləri Hörmüz boğazından gəmilərinin tranzitini bərpa etməyə başlayıblar.
Azpost.info bildirir ki, bu barədə Lloyd’s List Intelligence Dənizçilik analitik şirkəti məlumat yayıb.
France 24-ün məlumatına görə, brifinqdə Lloyd’s List-in baş redaktoru Riçard Mid bildirib ki, fevral ayından bəri tranzit faktiki olaraq dayandırıldıqdan sonra 110 gün ərzində ilk dəfə olaraq əsas operatorların gəmiləri yenidən boğazdan keçir.
Şirkətin məlumatına görə, cümə axşamı tarixinə boğazdan keçən gəmilərin dəqiq sayı açıqlanmayıb. Lakin, əsas gəmiçilik qrupları Grimaldi Group, Cosco, Knutsen və NYK-ya məxsus və onlar tərəfindən idarə olunan tankerlərin Hörmüz boğazından keçdiyi bildirilib.
Lloyd’s List həmçinin İran Milli Tanker Şirkətinə məxsus və sanksiyalara məruz qalan iki İran bayrağı altındakı tankerin boğaza daxil olduğunu bildirib.
S.Abdulla
