Britaniya Belarusdan silah və ona aid materialların tədarükünə qadağa qoyub.
Azpost.info xəbər verir ki, bu barədə ölkə hökumətinin saytında bildirilir.
“Silah və müvafiq materialların idxalı qadağandır. Qadağa Belarusda istehsal olunan və ya bu ölkədən göndərilən mallara şamil edilir. Bu o deməkdir ki, malların birbaşa daşınma yeri Belarus olmasa belə, qadağa yenə də tətbiq oluna bilər”, – məlumatda deyilir.
Bununla yanaşı, Britaniyanın Belarusdan polad və dəmir məmulatları, minerallar və kalium-karbonat idxalını qadağan edən sanksiyaları da qüvvəyə minib. Britaniya hökumətinin bildirdiyinə görə, Minskə qarşı yeni məhdudlaşdırıcı tədbirlər 60 milyon funt sterlinq (4 milyard Rusiya rublundan çox) dəyərində məhsulları hədəf alacaq.
Azpost.info
