Baş nazir Rişi Sunak Britaniya qoşunlarının Ukraynaya göndərilməsini istisna edib.
Azpost.info bildirir ki, bu barədə PA Media məlumat yayıb.
Sunak bildirib ki, müdafiə naziri Qrant Şappsın Britaniya qoşunlarının Ukraynada qoşunlara təlim keçə bilməsi təklifi “indi və bu dəqiqə” üçün nəzərdə tutulmayıb. Sunak deyib ki, Müdafiə Nazirliyinin yeni təyin olunmuş rəhbəri uzunmüddətli perspektiv üçün mümkün planları müzakirə edib.
Shapps daha əvvəl “The Sunday Telegraph”-a demişdi ki, son nəticədə o, Britaniya ordusunun Ukrayna qoşunlarına Böyük Britaniyada deyil, Ukraynada təlim keçməsini istərdi.
Mühafizəkarlar partiyasının Mançesterdəki konfransı öncəsi Sunak deyib ki, o, vəziyyəti bəzi təhriflərdən sonra aydınlaşdırmaq istəyir.
Onun sözlərinə görə, Britaniya uzun müddətdir ki, Britaniya ərazisində Ukrayna vətəndaşlarına və əsgərlərinə təlim keçir: “Müdafiə nazirinin dediyi o idi ki, gələcəkdə hansısa məqamda bizim Ukraynada bu təlimlərin bir hissəsini keçirmək imkanımız ola bilər”, – Britaniyanın baş naziri deyib.
“Ancaq bu, uzunmüddətli bir pespektiv üçündür. İndi döyüşmək üçün göndəriləcək heç bir Britaniya əsgəri yoxdur. Bizim işimiz ukraynalılara təlim keçməkdir. Biz bunu Böyük Britaniyada edirik”.
Azpost.info
