Britaniya və İsveç Çini Rusiyaya maddi-texniki yardım etməməyə çağırır.
Azpost.info bildirir ki, bu barədə Böyük Britaniyanın baş naziri Rişi Sunak və onun isveçli həmkarı Ulf Kristerssonun Londonda keçirilən görüşündən sonra yaydıqları birgə bəyanatda deyilir.
Sunakın ofisinin yaydığı sənəddə vurğulanıb: “Biz Çini Ukraynadakı qanunsuz müharibədə Rusiyaya və onun əlaltılarına maddi yardım etməməyə çağırırıq”.
Baş nazirlər həmçinin Ukraynaya lazım olduğu qədər yardımı davam etdirməyə hazır olduqlarını təsdiqləyiblər.
Qeyd edilib ki, əvvəllər AS90 və “Archer” özüyeriyən artilleriya qurğularını (AKS) Kiyevə təhvil verən ölkələr Ukrayna Silahlı Qüvvələrinə bu texnikalara xidmət göstərmək üçün birgə fəaliyyət göstərmək niyyətindədirlər.
İki ölkə liderləri, həmçinin ilin sonuna qədər strateji tərəfdaşlıq sazişi imzalamaq, elm və texnoloji inkişaf, qeyri-qanuni miqrasiya ilə mübarizə, o cümlədən təhlükəsizlik və müdafiə sahələrində əməkdaşlığı gücləndirmək niyyətində olduqlarını bəyan ediblər.
Azpost.info
