Britaniyanın yeni XİN rəhbəri ilk danışıqları ukraynalı həmkarı ilə aparıb

Ukraynanın xarici işlər naziri Dmitri Kuleba Böyük Britaniyanın yeni xarici işlər naziri Ceyms Kleverlinin telefonla danışdığı ilk xarici rəsmi şəxs olub.

“Report” xəbər verir ki, bu barədə ukraynalı nazir tviterdə yazıb.

“Britaniyalı həmkarım ilə danışıqlar apardım. Bizim bir məqsədimiz var: Ukrayna qalib gəlməlidir. Gəlin dünyanın qalan hissəsini buna inandırmaq üçün birlikdə fəal çalışaq – xüsusən də hələ də şübhələri olanlar üçün. Bu, həmkarımın ilk telefon zəngidir və bu fakt öz sözünü deyir”, – o qeyd edib.

Sentyabrın 6-da Böyük Britaniyanın keçmiş xarici işlər katibinin müşaviri və təhsil naziri C. Kleverli Baş nazir Liz Trussın ofisində xarici işlər naziri təyin edilib.

Əvvəlki məqalə

Avropa İttifaqı Rusiyadan qaz alışını 48 faiz azaldıb –

Sonrakı məqalə

Bu gün “Qarabağ” səfərdə “Frayburq”la oynayacaq –