Brüsseldə NATO-Rusiya Şurasının iclası başlayıb

Brüsseldə NATO-Rusiya Şurasının iclası başlayıb.

İclas NATO Baş Qərargahında keçirilir.

İclasda Avropanın təhlükəsizliyi, Ukrayna və onun ətrafındakı vəziyyət, eyni zamanda, hərbi fəaliyyətlər, şəffaflıq və risklərin aradan qaldırılması müzakirə olunacaq.

Görüşdən sonra NATO-nun Baş katibi Yens Stoltenberq NATO-Rusiya Şurasının sədri qismində mətbuat brifinqi keçirəcək.

Rusiya xarici işlər nazirinin müavini Aleksandr Qruşko və müdafiə nazirinin müavini Aleksandr Fomin 2 ildən sonra ilk dəfə keçirilən NATO-Rusiya Şurasında Moskvanın nümayəndə heyətinə rəhbərlik edir. ABŞ Dövlət katibinin müavini Vendi Şerman da NATO-Rusiya Şurasının iclasında iştirak edir.

İclasın təxminən üç saat davam edəcəyi gözlənilir.

Qeyd edək ki, dialoq platforması olan NATO-Rusiya Şurası 20 il əvvəl yaradılıb, lakin Rusiya 2014-cü ildə Ukraynanın Krım yarımadasını ilhaq etdikdən sonra platformanın iclasları dayandırılıb. Sonuncu dəfə 2019-cu ilin iyulunda NATO-Rusiya Şurası məhdud çərçivədə toplaşıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Hövsanda qadın bankomtdan pul çıxaran şəxsə hucum edib, pullarını alıb –

Sonrakı məqalə

Dünən Şəhid olan hərbçimizin bir neçə günə toyu olacaqdı –