Avropa İttifaqı
Tehran ABŞ və Beynəlxalq Atom Enerjisi Agentliyi ilə dialoqu bərpa etməyə razılaşarsa Avropa İttifaqını 3 dövləti (Böyük Britaniya, Almaniya, Fransa) İrana qarşı sanksiyalara möhlət verməyə hazırdır.
AzPost bildirir ki, bu barədə “The Financial Times” (FT) mənbələrə istinadən yazır.
Mənbənin məlumatına görə, bununla bağlı bir neçə ay gecikdirmə nəzərdə tutulur. Sanksiya müddəaları BMT Təhlükəsizlik Şurasının müvafiq qətnaməsinin qəbul edilməsindən asılıdır.
Güzəştlərin şərtləri ABŞ-la danışıqlar və MAQATE müfəttişləri ilə əməkdaşlıq olmalıdır.
Əlavə məlumat verilməyib.
İyulun 21-də İran Xarici İşlər Nazirliyinin sözçüsü İsmail Bəqayi Tehranın nüvə proqramı ilə bağlı fikir ayrılıqlarının həlli üçün Aİ-3 ölkələri ilə danışıqların yeni mərhələsinin iyulun 25-də İstanbulda xarici işlər nazirlərinin müavinləri səviyyəsində keçiriləcəyini açıqlayıb.
İran və ABŞ arasında bu ilin əvvəlində Tehranın nüvə dosyesi ilə bağlı beş raund danışıqlar gözlənilən nəticə olmadan başa çatıb. Diplomatik prosesə ilk olaraq İsrailin İrana qarşı hərbi əməliyyatı mənfi təsir göstərib.
