“Martın 2-də Bryansk vilayətində diversiya qrupunun törətdiyi cinayət cəzasız qalmayacaq”.
Azpost.info xəbər verir ki, bu barədə Rusiya Xarici İşlər Nazirliyinin bəyanatında bildirilir.
“Biz baş verənlərdən müvafiq nəticələr çıxarmışıq. Rusiya istintaq orqanları araşdırma başladıb. Bu cinayət cəzasız qalmayacaq”, – XİN bəyan edib.
Rusiya Xarici İşlər Nazirliyi Bryansk vilayətindəki qətllərin NATO tipli silahlardan istifadə edilərək törədildiyini açıqlayıb.
Rusiya tərəfi iddia edir ki, martın 2-də Ukraynadan Bryansk vilayəti ərazisinə təxribat-kəşfiyyat qrupu daxil olub. FTX martın 2-də axşam saatlarında Bryansk vilayətində ukraynalı diversantların zərərsizləşdirildiyini elan edib.
Rusiya prezidenti Vladimir Putin Bryanska hücumu terror aktı adlandırıb.
Azpost.info
