Bu gün Vaşinqton Ukraynaya 11-ci hərbi yardım paketini rəsmən elan edəcək.
Azpost.info xəbər verir ki, bunu ABŞ administrasiyasının yüksək rütbəli rəsmisi bildirib.
Onun sözlərinə görə, ABŞ-ın Ukraynaya yeni hərbi yardım paketi 700 milyon dollar dəyərindədir: “İyinun 1-də biz prezident proqramı çərçivəsində on birinci təhlükəsizlik yardımı paketini elan edəcəyik. Bu paketə daha uzun mənzilli sistemlər, xüsusən də HIMARS daxildir. Eləcə də Ukrayna daxilindəki döyüş bölgəsində əsas hədəflərə daha dəqiq zərbələr endirməyə imkan verəcək, Rusiyanın irəliləməsinə qarşı mübarizə aparmağa kömək edəcək döyüş sistemləri təqdim edəcəyik. Bu sistemlər Rusiya ərazisindəki hədəflərə qarşı istifadə edilməyəcək”.
Administrasiya rəsmisi əlavə edib ki, Vaşinqton Ukraynanın gələcəkdə də ABŞ hərbi yardımı hesabına özünümüdafiə vasitələrinə malik olmasında maraqlıdır. O, bildirib ki, Co Bayden prezidentliyə başlayandan bəri ABŞ Ukraynaya təhlükəsizlik sahəsində tarixi yardım göstərib: “Rusiya hərbi əməliyyatı başlayandan bu məbləğ 4,5 milyard dollar olub. Ukraynanın illik müdafiə büdcəsi isə 6 milyard dollara yaxındır. ABŞ Ukraynanı Rusiya ərazisinə zərbə endirməyə çağırmır və döyüşləri uzatmağa cəhd etmir”.
Azpost.info
