2022-ci ildə ABŞ-da baş verən atışma hadisələri 43,6 mindən çox insanın həyatına son qoyub.
“Report” xarici KİV-ə istinadən xəbər verir ki, bu statistikanı “Gun Violence Archive” tədqiqat təşkilatı aparıb.
Bu il atışma nəticəsində 37,9 mindən çox insan xəsarət alıb ki, onlardan 4,4 mini uşaqdır. Həmçinin silahlı insidentlər zamanı 1,6 mindən çox uşaq ölüb.
2022-ci ildə ölənlərin ümumi sayı əvvəlki iki illə müqayisədə hələ də azdır. Belə ki, 2021-ci ildə bu rəqəm 45 min, 2020-ci ildə isə 43,7 min olub.
