Yaponiya Ukrayna prezidenti Vladimir Zelenskini Xirosimada keçiriləcək G7 sammitinə dəvət edəcək.
Azpost.info xəbər verir ki, bu barədə “Nikkei” qəzeti yazıb.
Ukrayna liderinin sammitdə onlayn formatda iştirak edəcəyi gözlənilir.
“Yaponiya hakimiyyəti G7 sammiti zamanı Rusiya və Ukrayna arasında hərbi münaqişə ilə bağlı intensiv müzakirəyə şərait yaratmaq istəyir. Yaponiyanın baş naziri Fumio Kişida hesab edir ki, Vladimir Zelenski bu sammitdə ölkədəki vəziyyət barədə birbaşa Qərb liderlərinə məlumat verə biləcək”.
2023-cü ildə G7-yə Yaponiya sədrlik edəcək. G7 liderlərinin illik sammitinin mayın 19-21-də Xirosimada keçirilməsi planlaşdırılır. 2022-ci ilin yayında Zelenski Almaniyanın dəvəti ilə G7 sammitində onlayn çıxış etmişdi.
Azpost.info
