Bu il Novruz çərşənbələri bu tarixdən başlayacaq- AÇIQLAMA

Azərbaycanda bu il Novruz çərşənbələri fevral ayından başlayacaq.

Bu barədə Bakı Dövlət Universitetinin Fizika fakültəsinin Astrofizika kafedrasının fəlsəfə doktoru Xıdır Mikayılov məlumat verib.

Onun sözlərinə görə, bu il Novruz bayramının ilk çərşənbəsi olan – Su çərşənbəsi fevralın 27-si tarixinə təsadüf edəcək:

“Od çərşənbəsi isə martın 5-i qeyd ediləcək. Martın 12-də Yel çərşənbəsi olacaq. Novruzun ilaxır çərşənbəsi olan Torpaq çərşənbəsi isə martın 19-na təsadüf edəcək. Novruz bayramı axşamı martın 20-si qeyd ediləcək”.

Xatırladaq ki, Azərbaycan Respublikası Elm və Təhsil Nazirliyi Nəsrəddin Tusi adına Şamaxı Astrofizika Rəsədxanası 2024-cü ildə fəsillərin ölkəmizə daxil olma vaxtını təqdim edib. Təqvimə əsasən, bu il Yaz fəsli Azərbaycana 20 mart saat 07:06-da daxil olacaq. Bu andan etibarən Şimal yarımkürəsində Yaz fəsli, Cənub yarımkürəsində isə Payız fəsli başlayacaq. Yaz fəslinin uzunluğu 92 gün 17 saat 44 dəqiqə 35 saniyə olacaq(oxu.az).

Əvvəlki məqalə

Azərbaycanlı gənc İstanbulda faciəvi şəkildə ölüb

Sonrakı məqalə

Cavanşir Quliyev Aygün Bəylərin 30 il əvvəl ilk dəfə efirə çıxdığı kadrları paylaşdı –