Tələbə kreditləri həm sosial, həm də standart növlərdə təqdim olunur. Lakin tələbənin əvvəlki semestrdə akademik borcu (kəsiri) varsa, həmin semestr üçün kredit verilməsi dayandırılır.
Fonddan bildirilib ki, kreditdən yenidən yararlanmaq üçün tələbənin növbəti semestrdə akademik borcu olmamalı və ümumi orta müvəffəqiyyət göstəricisi (ÜOMG) ən azı 71 bal olmalıdır.
Bu qayda tələbələrin akademik göstəricilərini yüksəltməyə təşviq etməklə, kreditlərin effektiv istifadəsini təmin etmək məqsədini güdür.
