Şaurma istehlakı xroniki mədə-bağırsaq və ürək-damar xəstəlikləri olan insanlar üçün təhlükəli ola bilər.
AzPost bildirir ki, bu barədə Moskva Vilayəti Səhiyyə Nazirliyinin Vidnovskaya Xəstəxanasının terapevti Zarema Ten NEWS.ru saytına verdiyi müsahibədə xəbərdarlıq edib.
O, bu yeməyin tərkibindəki ədviyyatlı və yağlı maddələrə görə qastrit, pankreatit və xolesistit xəstələri üçün xüsusilə risk yaratdığını izah edib.
Həkim qeyd edib ki, mayonez, ət və soğanın kombinasiyası bu vəziyyətləri daha da ağırlaşdıracağına zəmanət verir. Diabet xəstələri üçün ağ lavaş və kartof qızartmasının kombinasiyası risk yaradır və qanda qlükoza səviyyəsinin kəskin şəkildə artmasına səbəb olur. Ten həmçinin xəbərdarlıq edib ki, artıq doymuş yağlar aterosklerozu ağırlaşdırır, çox miqdarda gizli duz isə yüksək təzyiqə səbəb ola bilər.
Kilolu olan insanlar xüsusilə diqqətli olmalıdırlar. Çünki bir porsiya şaurmanın kalori miqdarı 900 kilokaloriyaya çata bilər ki, bu da arıqlayan bir insanın gündəlik tələbatının demək olar ki, yarısıdır.
