Sabah Azərbaycan xarici işlər naziri Ceyhun Bayramov Türkiyəyə səfər edəcək.
Bu barədə Türkiyə Xarici İşlər Nazirliyi məlumat yayıb.
Səfər Türkiyə xarici işlər naziri Mövlud Çavuşoğlunun dəvəti ilə həyata keçirilir. Ceyhun Bayramov iki ölkə arasında diplomatik münasibətlərin qurulmasının 30-cu ildönümü münasibəti ilə rəsmi qəbulda iştirak edəcək.
Səfər çərçivəsində keçiriləcək görüşlərdə ikitərəfli əlaqələr və regional məsələlər müzakirə olunacaq.
