Çin koronavirus pandemiyası fonunda 2020-ci ilin martında dayandırılmış bütün növ vizaların xarici vətəndaşlara verilməsini martın 15-dən bərpa edəcək.
Azpost.info xəbər verir ki, bu barədə Çin Xarici İşlər Nazirliyinin Konsulluq İdarəsindən məlumat verilib.
“Reuters”in xəbərinə görə, tədbir Çin iqtisadiyyatını canlandırmaq məqsədi daşıyır.
Bir sıra regionlar üçün vizasız rejim də bərpa olunacaq. Rusiya və digər 58 ölkədən turistlər Çinin Haynan adasına vizasız gedə biləcəklər.
Eyni rejim kruiz gəmilərinin göyərtəsində olan səyahətçilərə də şamil ediləcək. Bundan başqa, Honq-Konq və Makaodan gələn əcnəbi qrupların Quanqdonq əyalətinə vizasız giriş bərpa olunacaq.
Vizasız rejim Cənub-Şərqi Asiya Ölkələri Assosiasiyasının (ASEAN) Quansi-Çjuan Muxtar Bölgəsindəki Quilin şəhərindəki turist qrupları üçün yenidən qüvvədə olacaq. 28 mart 2020-ci ilə qədər etibarlı vizaları olan əcnəbilər də Çinə daxil ola biləcəklər.
Çin yanvar ayında vətəndaşlarına xaricə səyahət etməyə icazə verib. Bundan başqa, qrup turlarının mümkün olduğu ölkələrin sayı Çin hakimiyyəti tərəfindən 60-a çatdırılıb.
Azpost.info
