İl ərzində Rusiyada Çin avtomobilləri dilerlərinin sayı iki dəfə artıb. Hazırda onların sayı 2000-ə çatıb.
Azpost.info xəbər verir ki, ölkədə müxtəlif markalı 3550-yə yaxın diler mərkəzinin olduğunu nəzərə alsaq, məlum olur ki, artıq Rusiya diler şəbəkəsinin 56 faizi Çin avtomobillərini satır.
2021-ci ilin payızında, bütün əsas beynəlxalq avtomobil istehsalçıları Rusiyada fəaliyyət göstərdiyi vaxt Çin markalarının Rusiyada 500-dən bir qədər çox rəsmi dileri var idi.
Son iki ayda Çin avtomobilləri yeni minik avtomobillərinin həm ədəd, həm də pulla satışlarının 50 faizdən çoxunu təşkil edib. Bu sahənin ekspertləri deyirlər ki, Çinin Rusiya avtomobil bazarındakı payı ilin sonunda daha da artacaq.
Dilerlər etiraf edirlər ki, Çin markalarını satmaq hüququ üçün növbəyə durmağa hazırdırlar, çünki onların başqa variantları qalmayıb və onlar avtomobillərlə işləməyə davam etmək istəyirlər. Ruslar isə maşın almaq istəyirlər.
Ekspertləri onu da bildirirlər ki, hazırda Rusiyada yeni xarici avtomobillərin orta qiymətləri dünyanın demək olar ki, bütün digər ölkələrindən yüksəkdir.
Azpost.info
