Çin sədri Si Cinpin Çinin ümumi rifah və bütün dünyanın rifahı naminə ABŞ ilə əməkdaşlığa hazır olduğunu açıqlayıb.
Azpost.info TASS-a istinadən bildirir ki, bu barədə Sinxua Agentliyinin yaydığı Çin dövlət başçısının təbrikində deyilir.
Si Sinpin ABŞ-Çin Münasibətləri üzrə Milli Komitənin illik iclasının iştirakçılarına müraciətində əməkdaşlığın vacib olduğunu bildirib: “Qarşılıqlı hörmət, dinc yanaşı yaşamaq və qazan-qazan əməkdaşlığın üç prinsipinə uyğun olaraq, Çin qarşılıqlı faydalı əməkdaşlığı inkişaf etdirmək və fikir ayrılıqlarını düzgün şəkildə həll etmək üçün Amerika tərəfi ilə əməkdaşlığa hazırdır”, – deyə Çin dövlət başçısı vurğulayıb.
Müraciətdə həmçinin qeyd olunub ki, Çin qlobal problemləri həll etmək, bir-birinin tərəqqisini təşviq etmək və hər iki ölkəyə və dünyaya fayda gətirmək üçün ABŞ tərəfi ilə işləmək istəyir.
ABŞ-Çin Münasibətləri üzrə Milli Komitə 1966-cı ildə ABŞ-da mülki, dini və biznes icmalarını təmsil edən “Çin müşahidəçiləri” qrupu tərəfindən yaradılıb.
Azpost.info
