Çin ABŞ hökumətini Tayvandakı separatçılara dəstək verməkdə ittiham edib.
Azpost.info xəbər verir ki, Çin Xarici İşlər Nazirliyinin (XİN) sözçüsü Çjao Litszian deyib ki, Vaşinqton üçün bunun ciddi nəticələri ola bilər.
XİN rəsmisi iddia edir ki, ABŞ Tayvanı Çini manipulyasiya etmək üçün istifadə edir. O, xüsusilə ABŞ senatoru Temmi Dakvortun Taybeyə səfərini tənqid edib: “Senator mayın 31-də Tayvana gəlib və ada administrasiyasının rəhbəri ilə görüşüb. Bundan əvvəl bir qrup ABŞ konqresmeni Tayvana elan edilməmiş səfər etmişdi. Birləşmiş Ştatlar bu yolla Tayvanın müstəqilliyinin tərəfdarlarını səssizcə təşviq edir və dəstəkləyir. Bu, Tayvan üçün təhlükəlidir və ABŞ üçün ciddi nəticələrə səbəb olacaq”.
Çjao Litszian qeyd edir ki, ada rəhbərliyinin ABŞ-la birlikdə Çini manipulyasiya etmək cəhdləri Tayvan boğazında gərginliyin artmasına səbəb olub.
Azpost.info
