Çin Kommunist Partiyasının 207 minə yaxın üzvü Si Cinpin vəzifəyə gəldikdən sonra nəzarət orqanları tərəfindən cəzalandırılıb.
Azpost.info xəbər verir ki, bu barədə partiya komitəsinin nizam-intizam üzrə müavini Syo Pey bugünkü qurultayda bildirib.
Pey əlavə edib ki, son 5 ildə 80 minə yaxın partiya üzvü könüllü olaraq nəzarət orqanlarına korrupsiya əməllərini etiraf edib: “Biz korrupsiyanın yayılmasının qarşısını ciddi şəkildə alırıq. Məqsədli siyasət və artan təzyiq 80 min partiya üzvünü son beş il ərzində könüllü şəkildə pozuntuları etiraf etməyə sövq edib”.
Onun sözlərinə görə, son beş ildə korrupsiyaya görə cəzalandırılanların əksəriyyəti əvvəllər dəfələrlə cinayət törədiblər. İlk dəfə rüşvət alarkən tutulanların payı 11 faizdir.
Çin Kommunist Partiyasının lideri Si Cinpin qurultayın açılışında çıxış edərək korrupsiyanı partiyanın “xərçəngi” adlandırıb və rüşvətxorluğa qarşı mübarizənin bir an belə, dayandırılmamalı olduğunu vurğulayıb.
Azpost.info
