Çingiz Əsgərov Ali Məhkəmə sədrinin müavini təyin edildi

- SƏRƏNCAM
06 May 2020 - 17:15

Azərbaycan Respublikası Ali Məhkəməsinə yeni sədr müavini təyin olunub.

“Report” xəbər verir ki, bununla bağlı Prezident İlham Əliyev sərəncam imzalayıb.

Sərəncamla, Çingiz İsgəndər oğlu Əsgərov Azərbaycan Respublikası Ali Məhkəməsi sədrinin müavini təyin edilib.

Qeyd edək ki, Çingiz Əsgərov Azərbaycanın Avropa İnsan Hüquqları Məhkəməsində (AİHM) salahiyyətli nümayəndəsi, Prezident Administrasiyasının Hüquq-mühafizə orqanları ilə iş şöbəsinin sektor müdiridir.