“Rusiyaya qarşı qeyri-qanuni məhdudiyyətlər dərin ərzaq böhranına səbəb ola bilər”.
Azpost.info xəbər verir ki, bunu Rusiya prezidentinin mətbuat katibi Dmitri Peskov deyib.
Onun sözlərinə görə, taxıl problemi Rusiyanın gündəmindədir: “Bu mövzu müxtəlif kanallar vasitəsilə müzakirə olunur. Həqiqətən də çox dərin ərzaq böhranı astanasındayıq”.
Peskov qeyd edib ki, ərzaq böhranı həm də Ukrayna hökumətinin hərəkətləri ilə bağlıdır: “Qara dəniz limanlarına yaxın yerləri minalayıblar və oradan buğda daşımırlar. Rusiya onlara heç bir halda mane olmur”.
Peskov Rusiya və Türkiyə XİN rəhbərləri arasında bu mövzuda danışıqların planlaşdırıldığını təsdiqləyib.
Azpost.info