Rusiya Baş nazirinin köməkçisi, Çeçenistanın sabiq baş naziri Müslüm Xuçiyev Darvinin təkamül nəzəriyyəsinin məktəb proqramından çıxarılmasını təklif edib.
Azpost.info bildirir ki, Xuçiyev bu təkliflə Ümumrusiya Valideynlər Komitəsinin ilk iclasında çıxış edib.
O, bu nəzəriyyənin “uşaqların mənəvi aşınmasına töhfə verdiyini” bildirib.
“Biz sadəcə bunu aradan qaldıra bilərik. Darvinin nəzəriyyəsi doğru deyil, dini təhsilə ziddir. Bütün dinlər bunu qəbul edib. Bunu başqa kim etiraf etməlidir ki, məktəblilərin yaddaşından silinsin, uşaqlarımızın şüuruna salınmasın?”- Xuçiyev vurğulayıb.
Milyarder Konstantin Malofeev də Müslüm Xuçiyevin səsləndirdiyi Darvinin nəzəriyyəsinin məktəb proqramından çıxarılması ideyasını dəstəkləyib.
“Əsasən, təhsil sistemimiz seçim qarşısındadır: Beşinci sinif şagirdlərimizə nəyə inanmağı öyrədirik? Onların Allahın surətidir, yoxsa dik yeriyən primatların törəmələrdir? Bu cür təhsil nəyə gətirib çıxara bilər? Biz Allahdan uzaqlaşmış quduz Qərbi mühakimə edə bilərik. Uşaqlarımız üçün eyni gələcəyi istəmiriksə, məktəb proqramlarını dəyişməyin vaxtıdır”- – milyarder Konstantin Malofeev yazıb.
Azpost.info
