Donald Tramp koronavirus yoxlanışından keçməyib

10 Mart 2020 - 11:37

ABŞ Prezidenti Donald Tramp koronavirus yoxlanışından keçməyib.

“Reuters”in verdiyi xəbərə görə, bu barədə Ağ Ev məlumat yayıb.

“Prezident COVID-19 (koronavirus) testindən keçməyib. Çünki o, COVID-19 virusuna yoluxması təsdiqlənmiş şəxslərlə yaxın əlaqədə olmayıb və prezidentdə bu virusun simptomları yoxdur. Prezident Tramp sağlamdır və həkimin yaxından nəzarəti davam edəcək”, – deyə Ağ Evin açıqlamasında bildirilib.

Qeyd edək ki, bu günlərdə D. Trampın görüşdüyü senatorlardan ikisi virusa yoluxma ehtimalı ilə əlaqədar karantinə alınıb. Həmin senatorlar COVID-19-a yoluxması təsdiqlənmiş şəxsin də qatıldığı görüşdə olublar. (APA)