Dünya ölkələrinin ədliyyə nazirləri mart ayında Londonda bir araya gələcəklər. Nazirlər Beynəlxalq Cinayət Məhkəməsinə praktiki yardımı müzakirə etmək üçün toplaşacaqlar.
Azpost.info xəbər verir ki, bu barədə Britaniyanın ədliyyə naziri Dominik Raab məlumat verib.
O, görüşü Niderlandın təhlükəsizlik və ədliyyə naziri Dilan Zegeriusla birgə təşkil edəcəklərini deyib.
“Bu görüş Beynəlxalq Cinayət Məhkəməsinə qlobal maliyyə və praktiki dəstəyi artırmaq üçün səyləri əlaqələndirmək məqsədi daşıyır. Görüş ölkələrə məhkəməyə əlavə yardımın necə göstəriləcəyini müəyyən etməyə imkan verəcək. Buraya məlumatların toplanmasına köməklik və yerlərdə törədilmiş vəhşiliklərə dair sübutların paylaşılması kimi praktiki dəstək daxildir. Nazirlər həmçinin zərərçəkmişlərə və şahidlərə ifadə vermədən necə kömək etməyi müzakirə edəcəklər”, – nazir bildirib.
Görüş iştirakçıları məhkəmənin prokuroru Kərim Xanın hesabatını da dinləyəcəklər. O, 2021-ci ilin iyun ayından bu vəzifədədir.
Azpost.info
