Rusiya prezidenti Vladimir Putin Çin lideri Si Cinpini 70 illik yubileyi münasibətilə təbrik edib.
Azpost.info xəbər verir ki, təbrikin mətni Kremlin saytında dərc olunub.
Putin Si Cinpinə sağlamlıq, xoşbəxtlik və siyasətdə uğurlar arzulayıb.
“Hörmətli cənab sədr, əziz dost, 70 illik yubileyiniz münasibətilə səmimi təbriklərimi qəbul edin. Sizə, əziz dostum, səmimi qəlbdən möhkəm cansağlığı, xoşbəxtlik, firavanlıq və dövləti fəaliyyətinizdə uğurlar arzulayıram”, – təbrikdə deyilir.
Putin qeyd edib ki, Çin lideri uzun illərdir ki, ölkələr arasında tərəfdaşlıq və strateji qarşılıqlı əlaqələri gücləndirmək üçün səylər göstərir və mart ayında Rusiyaya səfəri iki ölkə arasında əməkdaşlığın inkişafına güclü təkan verib.
Rusiya prezidenti bildirib ki, Çin Si Cinpinin rəhbərliyi altında dünya miqyasında öz mövqelərini möhkəmləndirib. Bundan başqa, Çin iqtisadiyyatı güclənib və vətəndaşların rifah halı yüksəlib.
Azpost.info
