Dünyada hər on nəfərdən ən azı səkkizi Rusiyaya və onun lideri Vladimir Putinə mənfi münasibət bəsləyir.
Azpost.info xəbər verir ki, bunu “Pew” Araşdırma Mərkəzinin keçirdiyi beynəlxalq sorğu ortaya qoyub.
İndiyə qədər heç vaxt belə yanaşma müşahidə olunmayıb. Tədqiqatın aparıldığı 24 ölkədə respondentlərin 82 faizi Rusiya haqqında mənfi fikirdə olub. Eyni zamanda, məlum olub ki, 87 faiz Vladimir Putinin beynəlxalq məsələlərdə düzgün hərəkət edə bildiyinə inanmır.
Polşa, İsveç, İspaniya, Yaponiya, Cənubi Koreya, Avstraliya, Niderland, Almaniya, Fransa, Böyük Britaniya və ABŞ-da 85 faizin münasibəti mənfidir. İnkişaf etməkdə olan ölkələrdə bu göstərici 54-68 faiz arasında dəyişir.
“Pew”nun bu ölkələrdə sonuncu belə sorğu keçirdiyi vaxtdan (2019) bu yana hər yerdə bu rəqəm 10 faiz və ya daha çox artıb.
İstisnalar müharibə başlayandan sonra Rusiya neftinin əsas alıcısına çevrilən İndoneziya və Hindistandır. Bu ölkələrdə Putinə güvənənlərin sayı son 4 ildə müvafiq olaraq 36 faizdən 43-ə və 42 faizdən 59-a yüksəlib.
Çində sorğunu keçirmək mümkün olmayıb.
Azpost.info
