“Dünyanı dəhşətli böhran gözləyir, pul yoxdur” –

BVF-nin rəhbərindən bədbin virus AÇIQLAMASI
13 May 2020 - 12:24

“Koronavirusa görə yaranmış böhran yüz il əvvəlki Böyük depressiya dövründən bəri ən dəhşətli böhran olacaq. Bunun aradan qaldırılması üçün 9 trilyon dollardan çox pul lazımdır ”.

 Azpost.info BBC-yə istinadən bildirir ki, bu sözləri Beynəlxalq Valyuta Fondunun başçısı Kristalina Georgiyeva bildirib: “Böhran hələ indi vüsət alır, proqnozları isə bizim pessimist gözləntilərimizdən də pisdir. Əgər tibb virusun qarşısını almasa bir çox iqtisadiyyatlar zərbə alacaq”.

O qeyd edib ki, iqtisadiyyatı qaldırmaq üçün bütün dünya ölkələri artıq büdcədən əlavə 9 trilyon dollar ayırmağı vəd ediblər: “Biz onlardan yalnız bir xahiş edirik: Nə qədər lazımdır daha çox ayırın”.

BVF rəhbəri deyib ki, bu qədər pul heç kimdə yoxdur, borc götürmək lazım gələcək: “Bu borcların ödənilməsi gələcək nəsillərin üzərinə düşür. Onlar səylə işləməli, vergilərin və inflyasiyanın artırılması hesabına bu borcu ödəməli olacaqlar”.

Onun sözlərinə görə, əgər inkişaf etmiş ölkələr kreditorları çətinlik olmadan tapırlarsa, koronavirus digər ölkələri pis vəziyyətdə qoyub.

BVF-nun rəhbəri qeyd edib ki, Rusiya, Hindistan, Meksika kimi varlı olmayan, inkişaf etməkdə olan ölkələr koronavirusdan daha çox zərbə alırlar.  BMT bu ölkələr üçün 2,5 trilyon dollar həcmində antiböhran paketi toplamağa çağırıb. BVF-nun rəhbərinin sözlərinə görə, bu pul çatmayacaq.

Azpost.info