Sakitlik axtaranlar üçün maraqlı xəbər var. Alimlər dünyanın ən sakit şəhərlərindən birinin İslandiyanın paytaxtı olan Reykyavik olduğunu açıqlayıblar.
Azpost.info bildirir ki, Avropa Ətraf Mühit Agentliyinin son hesabatına görə, burada orta səs-küy səviyyəsi bir çox iri şəhərlərlə müqayisədə iki dəfə aşağıdır. Şəhərdə avtomobil sıxlığının az olması, sənaye müəssisələrinin məhdudluğu və əhalinin sayının cəmi 140 min nəfər olması buna şərait yaradır.
Müqayisə üçün qeyd edilir ki, London və Paris kimi şəhərlərdə gündüz saatlarında səs səviyyəsi 70 desibeli keçdiyi halda, Reykyavikdə bu göstərici əksər rayonlarda 40-45 desibel arasında dəyişir.
Mütəxəssislər bildirirlər ki, uzunmüddətli səs-küy ürək-damar xəstəlikləri, yuxu problemləri və stress riskini artırır. Buna görə də bir sıra Avropa şəhərləri İslandiya modelini öyrənməyə başlayıb.
Sunay
