Britaniyalı aktyor Entoni Hopkins “Ən yaxşı aktyor” nominasiyası üzrə Britaniyanın Film və Televiziya Sənətləri Akademiyasının (BAFTA) mükafatını qazanıb.
“RİA Novosti” xəbər verir ki, aktyor bu mükafatı fransalı rejissor Florian Zellerin çəkdiyi və qocalıq, xəstəlik və uşaqlarla münasibətlərdən bəhs edən dram janrlı “Ata” (“The Father”, 2020) filmindəki roluna görə əldə edib.
Bu, 83 yaşlı E.Hopkinsin üçüncü “Tunc maska”sıdır. Bundan əvvəl, o, “Kölgələr ölkəsi” (“Shadowlands”, 1993) və “Quzuların səssizliyi” (“The Silence of the Lambs”, 1990) filmləri üzrə bu nüfuzlu mükafata layiq görülmüşdü.
