Ermənistan, Hindistan və İran üçtərəfli ticarət yolunun yaradılmasını müzakirə edirlər.
Azpost.info bildirir ki, bu barədə Parstoday xəbər verir.
Ermənistanın iqtisadiyyat nazirinin müavini Narek Hovakimyan bildirib ki, proqrama strateji Çabahar limanında iqtisadi fəaliyyətin müxtəlif formatları daxildir.
O, İrəvanda keçirilən Ermənistan-Hindistan biznes forumu çərçivəsində mətbuat konfransında deyib: “Hazırda Ermənistan, Hindistan və İran arasında üçtərəfli formatda ciddi danışıqlar aparılır. Hələlik ətraflı məlumat verə bilməsəm də, deyə bilərəm ki, layihə sınaq mərhələsindədir və müəyyən miqdarda yük artıq çatdırılıb”.
Hovakimyan vurğulayıb ki, təklif olunan marşrut infrastrukturun işə salınmasından sonra regionun əsas nəqliyyat arteriyalarından birinə çevrilə bilər. Ermənistan Hindistan və digər Asiya ölkələrinə çıxışı asanlaşdırmaq üçün Çabahar limanından operator kimi istifadə etməyi hədəfləyir. Layihə İranın Çabahar limanını Şimal-Cənub beynəlxalq magistral yoluna birləşdirməyi nəzərdə tutur.
Bu yol İranla Gürcüstan arasındakı məsafəni xeyli qısaldır və 2-3 gün ərzində Cənubi İran limanlarından Gürcüstanın Qara dəniz limanlarına mal göndərmək imkanı yaradır.
