Ermənistan ordusunu silahla təmin edən biznesmen barəsində cinayət işi başlanıb

19 Yanvar 2021 - 18:10

Ermənistan Milli Təhlükəsizlik Xidməti iş adamı David Qalstyan barəsində cinayət işi başlayıb.

 D. Qalstyan Ermənistan Müdafiə Nazirliyinin bir qrup əməkdaşı ilə birgə böyük miqyasda büdcə vəsaitlərini mənimsəməkdə ittiham olunur.

Bildirilib ki, bu vəsait müdafiə satınalmaları üçün ayrılıb. Qaltsyan silah ticarəti sahəsində ixtisaslaşmış bir neçə şirkətə sahibdir. Bu şirkətlər Ermənistan ordusunun əsas silah təchizatçılarından biridir. O, İrəvanda “Kalaşnikov” avtomatlarını yığan “Neutron” QHT-nin sahibdir. 

Ümumilikdə, vəzifə səlahiyyətlərindən sui-istifadə, xidmət səhlənkarlığı və xüsusilə böyük miqdarda vəsait mənimsənilməsi ilə bağlı Müdafiə Nazirliyi və Baş Qərargahın bir neçə rəsmisi barəsində dörd cinayət işi başlanılıb.