Ermənistan parlamentinin sədr müavini koronavirusa yoluxub

23 İyun 2020 - 18:05

Ermənistan parlamenti sədrinin müavini Vaqa Enfiyacyan koronavirusa yoluxub.

“Report” “Lragir”ə istinadən xəbər verir ki, o, bunu “Facebook” səhifəsində yazıb.

V.Enfiyacyan bildirib ki, koronavirusa görə verdiyi testin cavabı müsbət çıxıb.

Qeyd edək ki, V.Enfiyacyan müxalifətdə olan Çiçəklənən Ermənistan Partiyasının üzvüdür.

Xatırladaq ki, Ermənistanda 21 006 nəfər COVID-19-a yoluxub, 372 nəfər ölüb.