“Ermənistanda qadınlar üçün könüllü hərbi xidmət institutu yaradılacaq”.
Azpost.info xəbər verir ki, bunu Ermənistan Baş naziri Nikol Paşinyan deyib.
O, hazırda Ermənistanda müqavilə ilə hərbi xidmət keçən qadınlara təşəkkür edib: “Yaxın vaxtlarda biz Ermənistanda qadınların könüllü hərbi xidmət institutunu təsis etməyi planlaşdırırıq. Bu gün ordumuzda müqavilə əsasında xidmət edən bacılarımıza, o cümlədən hərbi qulluqçulara xüsusi təşəkkür edirəm”.
Qeyd edək ki, Ermənistanda 18-27 yaş arası kişi vətəndaşlar üçün 2 illik hərbi xidmət məcburidir. Hazırda Ermənistan ordusunda qadınlar yalnız müqavilə əsasında xidmət edirlər. 2019-cu ildə onlar müqaviləli əsgərlərin ümumi sayının 9,1 faizini təşkil edib. Bu, Ermənistan Müdafiə Nazirliyinin verdiyi ən son rəqəmdir.
Azpost.info
