“Ermənistan hakimiyyəti ölkə üçün ən vacib qərarları qəbul edir, lakin ictimai rəy nəzərə alınmır”.
Azpost.info xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Onun sözlərinə görə, İrəvanın bütün addımları həm də hakimiyyətin seçkilər öncəsi dedikləri ilə ziddiyyət təşkil edir.
“Təkcə bu gün deyil, həm də xalqın tarixi kontekstində ictimai rəyə söykənmədən milli əhəmiyyət kəsb edən qərarlar qəbul edilir. Üstəlik, seçkiyə gedərkən dediklərinin hamısına zidd qərarlar qəbul edirlər”, – Zaxarova bildirib.
Dünən Ermənistan parlamenti Beynəlxalq Cinayət Məhkəməsinin Roma Statutunu ratifikasiya edib. Müxalifət qrupları iclası boykot edib. Sənəd tezliklə imzalanmaq üçün prezidentə təhvil veriləcək. 60 gün ərzində qüvvəyə minəcək.
Azpost.info
