Rusiya vətəndaşların bundan sonra Estoniyada təhsil almaq üçün müvəqqəti yaşamaq icazəsi ala və ya viza üçün müraciət edə bilməyəcəkləri.
Azpost.info xəbər verir ki, Estoniya hökuməti müvafiq sanksiyanı təsdiqləyib.
İndi Estoniyada Rusiya və Belarus vətəndaşlarının qısamüddətli məşğulluğu yalnız bu ölkə tərəfindən verilmiş etibarlı vizaya malik olduqda qeydiyyata alına bilər.
Ruslar və belaruslar üçün yaşayış üçün qanuni əsası olan və başqa bir Avropa İttifaqına üzv dövlət tərəfindən verilmiş qısamüddətli məşğulluq artıq qeydiyyata alınmayacaq. Nəticədə, onlar qısa müddətli iş məqsədi ilə uzunmüddətli viza üçün müraciət edə bilməyəcəklər.
“Bu dəyişikliklə biz mövcud sanksiyalardan yan keçmək üçün digər üzv dövlətdən, məsələn, turizm məqsədilə qısamüddətli Şengen vizası tələb edilməsi vəziyyətinə son qoyacağıq”, – Estoniyanın xarici işlər naziri Urmas Reynsalu deyib.
Nazir əlavə edib ki, Rusiyaya qarşı təzyiq üçün sanksiyaları saxlamaq lazımdır: “Əgər sanksiyalar Rusiyanın təcavüzünü dayandırmağa kömək edərsə, bu, bizim təhlükəsizliyimizə də müsbət təsir göstərəcək”.
Azpost.info
