İyunun 3-də Estoniyada 30-dan çox hərbi gəminin iştirakı ilə NATO-nun “Baltops 23” hərbi dəniz təlimləri başlayıb.
Azpost.info xəbər verir ki, bu barədə Estoniya Müdafiə Qüvvələrinin Baş Qərargahı məlumat yayıb.
Estoniya Hərbi Dəniz Qüvvələrinin komandanı Yuri Saska bildirib ki, bu hadisələr tarixə düşəcək, çünki bu günə qədər ölkə Alyansın bu qədər gəmisini qəbul etməyib.
“Təlimlər üçün Estoniyaya NATO və Alyansın tərəfdaşı olan ölkələrdən 30-dan çox hərbi gəmi gəlib. Bu il manevrlərdə ABŞ, İsveç, Polşa, Niderland, İtaliya, Almaniya, Böyük Britaniya, Fransa, Danimarka, İspaniya, Litva, Latviya, Finlandiya və Norveçdən olan müttəfiqlər təmsil olunub”, – Saska qeyd edib.
Azpost.info
