“Rusiya ilə Estoniya arasında münasibətlər pisləşməkdə davam edir. Bu gün ölkənin dövlət sərhədləri rus avtomobillərinin üzünə bağlanıb. Bu qərara cavab vermək və bu hərəkətlərin mümkün nəticələrini Estoniyaya çatdırmaq lazımdır”.
Azpost.info xəbər verir ki, bunu Rusiya Dumasının Beynəlxalq məsələlər üzrə komitəsini sədr müavini Aleksey Çepa deyib.
Onun sözlərinə görə, Rusiya buna radikal reaksiya verməlidir.
“Rusiya vəziyyətə təsir göstərə bilər. Məsələn, Estoniya ilə iqtisadi münasibətləri dəyişə bilər, çünki biz hələ də onlar üçün mühüm ixrac tərəfdaşı olaraq qalırıq. Bu, onların ticarət gəlirlərinə ciddi təsir göstərə bilər. Bundan sonra onlar Rusiya və Rusiya vətəndaşlarına qarşı belə hərəkətlərə yol verməzlər”, – Çepa bildirib.
Qeyd edək ki, Estoniya Avropa Komissiyasının tövsiyələrinə uyğun olaraq bu gün saat 10:00-dan Rusiya qeydiyyatında olan avtomobillərin ölkəyə girişini qadağan edib.
Azpost.info
