Kanada Baş nazirinin müavini və maliyyə naziri, etnik ukraynalı olan Kristia Frilandın NATO Baş katibi vəzifəsinə namizədliyi nəzərdən keçirilir.
Azpost.info xəbər verir ki, bu barədə CBC telekanalı məlumat yayıb.
Telekanala danışan yüksək rütbəli NATO rəsmisinin sözlərinə görə, alyansın növbəti Baş katibinin yüksək ixtisaslı qadınlardan biri olacağına dair fikirlər var.
Eyni zamanda, Brüssel, Vaşinqton və Ottavadan olan dörd mənbə Frilandın beynəlxalq müdafiə və təhlükəsizlik dairələrində NATO-nun hazırkı Baş katibi Yens Stoltenberqin mümkün varisi kimi xatırlandığını iddia edir.
Bildirilir ki, rus dilini və “Kreml işi”nin xüsusiyyətlərini bilmək onun üçün böyük üstünlük ola bilər.
Frilandın özü jurnalistin bu barədə sualına cavab olaraq bildirib ki, onun artıq iki işi var.
Azpost.info
