Filippində güclü musson yağışları və “Dolphin” tayfunu genişmiqyaslı daşqınlara səbəb olub.
Metro Manilanın Paranaque şəhərində çaylardan və su kanallarından yüzlərlə ton tullantının çıxarılması üçün işlər aparılır. Güclü yağışlar nəticəsində 500 tondan çox plastik, taxta və digər tullantı su hövzələrinə axaraq paytaxt ərazisindəki mühüm nasos stansiyalarının fəaliyyətini çətinləşdirib.
Xilasetmə və kommunal xidmət əməkdaşları su kanallarını bağlayan tullantıları təmizləyərək daşqınların qarşısını almağa çalışırlar.
Hadisə 12 avqust 2026-cı ildə Paranaque şəhərində qeydə alınıb.
