Finlandiya hökuməti sentyabrın 30-dan rusların ölkəyə girişinə məhdudiyyət qoyacaq.
Azpost.info xəbər verir ki, bu barədə “Helsingin Sanomat” məlumat yayıb.
Qəzet yazır ki, giriş məhdudiyyətləri koronavirusla bağlı qadağalara bənzəyəcək: “Yaxın qohumlarını ziyarət etmək niyyətində olan və təhsil, iş məqsədi ilə daxil olan şəxslərə giriş icazəsi veriləcək. Məhdudiyyətlər diplomatlara və müxalifətçilərə təsir etməyəcək”.
Ötən həftə Finlandiyanın xarici işlər naziri Pekka Haavisto bildirmişdi ki, Helsinki rusiyalı turistlərin ölkəyə girişinə qadağa qoyulması ilə bağlı prinsipial qərar qəbul edib. Ölkə həmçinin öz ərazisindən digər Avropa İttifaqı ölkələrinə tranziti məhdudlaşdırmağı planlaşdırır.
Əmlak sahibləri üçün imtiyazlı vizaların da ləğv ediləcəyi ehtimal edilir.
Azpost.info
