“Minsk Rusiyanın Ukraynadakı xüsusi hərbi əməliyyatını dəstəkləməyə davam edərsə, Belarus yeni sanksiyalara məruz qalacaq”.
Azpost.info xəbər verir ki, bunu Fransanın xarici işlər naziri Ketrin Kolonna “France Inter” radiostansiyasının efirində deyib.
“Böyük yeddiliyin bugünkü iclasında Belarus məsələsi də qaldırılacaq. Bu dövlətə xəbərdarlıq göndərmək lazımdır: Rusiyanın Ukraynadakı hərəkətlərinə istənilən dəstək əlavə sanksiyalara səbəb olacaq”, – Fransa XİN rəhbəri bildirib.
Nazirin bəyanatı G7-nin dövlət və hökumət başçılarının Rusiyanın Ukrayna hədəflərinə endirdiyi zərbələrin nəticələrinə həsr olunacaq fövqəladə iclası ərəfəsində verilib. İclasda Ukrayna Prezidenti Vladimir Zelenskinin videobağlantı vasitəsilə iştirak edəcəyi gözlənilir.
Azpost.info
