Fransa Müdafiə Nazirliyinin rəhbəri Sebastian Lekornu bildirib ki, ölkənin Konstitusiya Şurası 2024-2030-cu illərdə hərbi büdcənin rekord dərəcədə artırılaraq 413 milyard avroya çatdırılması haqqında qanunu təsdiqləyib.
Bu barədə o, özünün “Twitter“ səhifəsində yazıb.
“Konstitusiya Şurasının hərbi proqramlaşdırma haqqında qanunu böyük səs çoxluğu ilə təsdiqlənməsi barədə qərarını alqışlayıram. Silahlı Qüvvələrimizi transformasiya etmək, çəkindirmə qabiliyyətimizi təmin etmək və növbəti texnoloji sıçrayışları gözləmək üçün həlledici qanun və yeni yollar mövcuddur”, – nazir yazıb.
