Fransada pandemiya qurbanlarının sayı 65 minə çatıb

02 Yanvar 2021 - 11:39

Fransada son sutkada COVID-19-a 20 min yeni yoluxma və 133 ölüm faktı qeyd alınıb.

Bu haqda Fransa Səhiyyə İdarəsi məlumat verib.

Bildirilib ki, xəstəxanalarda 24 min 263 koronavirus xəstəsi var. Reanimasiya şöbələrində 2 609 ağır xəstə intensiv müalicə alır.

Pandemiya başlayandan ölkədə koronavirusa yoluxanların ümumi sayı 2.62 milyondan çox olub, ölənlərin sayı isə 64900-ə çatıb. Son 24 saatda xəstəxanalara 776 yeni koronavirus xəstəsi daxil olub ki, onlardan 99-u ağır vəziyyətdə reanimasiya şöbələrinə yerləşdirilib.

Bu gündən ölkənin 15 departamentində komendant saatı yerli vaxtla saat 18:00-dan səhər saat 06:00-dək tətbiq olunacaq. Mütəxəssislər yaxın günlərdə yoluxanların sayının daha çox artacağını bildirirlər.