“Telegram”ın yardıcısı Pavel Durovun Fransada uzadılmış həbs müddəti avqustun 28-də başa çatır.
Bu barədə Paris prokurorluğu məlumat yayıb.
“Onun həbsdə saxlama müddəti avqustun 25-də istintaq tərəfindən uzadılıb və mütəşəkkil cinayətlərlə bağlı tətbiq edilən prosedur nəzərə alınmaqla, 96 saata qədər (yəni avqustun 28-dək) davam edə bilər”, – deyə prokurorluğun məlumatında qeyd olunub.
Bu haqda Paris prokurorluğundan bildirilib ki, Pavel Durov 12 cinayət törətməkdə ittiham olunur.
Məlumatda həmçinin ona qarşı cinayət işinin iyulun 8-də açıldığı açıqlanıb.
