FİFA Azərbaycan və Özbəkistanın U-20 dünya çempionatına ev sahibliyi etmək üçün birgə müraciətini müsbət qiymətləndirib.
2027-ci ildə müsabiqə bu iki qardaş ölkədə keçiriləcək. Bu barədə qərar FİFA Şurasının Sürixdə keçirilən bugünkü iclasında qəbul edilib.
Azərbaycan və Özbəkistan yığmaları ev sahibi kimi avtomatik olaraq dünya çempionatına vəsiqə qazanacaq.
Bu, 20 yaşadək futbolçular arasında 25-ci dünya çempionatı olacaq (2005-ci ilə qədər turnir gənclər arasında dünya çempionatı kimi tanınırdı). Hazırda Çilidə 20 yaşadək futbolçular arasında 24-cü dünya çempionatı davam edir. İyirmi dörd komanda iştirak edir.
